Құрметті Достар, біз бүгін техника жаңалықтарымен бөлісуді жалғастырамыз. Бүгінгі қонағымыз: Jeep Scrambler 392 концепті
Бастапқыда 1981 жылы ұсынылған Jeep Scrambler (CJ-8) Jeep брендінің бірінші ашылмалы (convertible) шағын пикабы болды. Өте қабілетті және әмбебап, бұл бірегей шағын пикап CJ-7-ге ұқсас, алайда ұзынырақ 103 дюймдік доңғалақ базасы және жүк көлемін ұлғайту үшін ұзын артқы шанағы болды.
***
Алдыңғы доңғалақтардың ілгері орналасуы, тауға өрмелеуге бағытталғандығын көрсетуде. Клиренс те арықты аттап өтуге жететіндей
***
Қырық жылдық тәжірибе, CJ-8-дің Jeep Scrambler 392 концепцті ретінде қайта оралуына себеп болды. CJ-8-де V-8 қозғалтқышы ешқашан ұсынылмағанымен, 392 Scrambler концепті 6,4 литрлік HEMI® V-8 қозғалтқышымен (470 ат күші және 639 Нм айналдыру моменті) әсерлі қуат пен керемет айналдыру моментін ұсынады.
***
Орындық әдейі қарапайым матамен көмкеріліп отыр, шаң мен лайды тазарту оңай болуы үшін. Мұндай машиналардың салондарын әдетте шлангпен жуады...
***
Төрт есікті Jeep Wrangler Rubicon ретінде басталған Jeep Scrambler 392 концепциясы, арнайы көміртекті талшықты шанақпен жабдықталған, жолсызбен жүйткуге баса назар аударады.
Бұл машинаға отырар кезде белдік тақпасаңыз, құлап қалуыңыз ғажап емес
Jeep Scrambler 392 дегеніміз - екі есікті джип эстетикасы, ашық аспандағы еркіндіктің бейнесін. Алдыңғы әйнек 12 градусқа қаттырақ иіле келіп, ашылмалы шатырға барып тіреледі. Қуатты сұлбаны арт жақтағы екі штанга жалғастырып, шабандоз бейнесін сомдағандай...
***
Jeep Scrambler 392 концепциясының ең қызықты ерекшеліктерінің бірі - Jeep Wrangler және Jeep Gladiator үшін әзірленген жаңадан шығарылған AccuAir пневматикалық аспасы. Пневматикалық аспа клиренсті 1,5 дюймнен 5,5 дюйм аралығында өзгерте алады және салоннан немесе сырттағы құрылғы арқылы (Bluetooth байланысы) басқарылады.
***
20 дюймдік дискіге орнатылған шинаның сыртқы диаметрі 40 дюйм
Шанақтың артқы жағына квадроцикл, велосипед немесе гидроцикл сыйып кетеді
Карбоннан жасалған алдыңғы капоттың мөлдір қақпағы, оның астындағы сұлулыққа көз тоймай сүйсінуге мүмкіндік береді. Концепттің тұла бойы заманауи серпін мен эстетика және қуатты көрсетіп тұрғандай.
Доңғалақтарының арнайы жолсыздыққа даярланғаны, автоның өзі де тауға өрмелеу мен құмды қыраттарды бір деммен артта қалдыруға арналғанын көрсетіп тұрғандай.
***
Концепт шанағы мен шанақты жауып тұратын панельдерде көміртекті талшық (карбон) көптеп қолданылуы, концепттің салмағын жеңілдетуге әрі жанармай шығынын азайтуға себін тигізетіні анық.
20 дюймдік доңғалақтарға 40 дюймдік шина кигізілген. Шанақтың жиектері мен ілмектері, осы күнгі Jeep Wrangler Rubicon -да қолданылып келген, Brass Monkey бояуымен көмкерілген. Ал жасыл түсі Sublime деген атауға ие.
Жалпы Бетпақты, Сарыарқа мен Көкшені, Алатау баурайларын, Алтай маңын, Каспи жағалауын аралауға таптырмас көлік екені көрініп тұр. Тек жаздыгүні...
Мынадай мата орындықтарға тор қаптай салып, шаңмен басып жүре бересіз...
Салон мейлінше қатал, қарапайым, шыдамды
Атақты Jeep сериясы, тарих сабақтастығы. Атадан балаға қалып келе жатқан Jeep -тер!
Comments powered by CComment