🚕 Volkswagen ID7 - 700 км қашықты бір зарядпен басып өтеді

ID7 Volkswagen өнімдерінің электрленуінің жаңа белесі болмақ.

Жаңа заманда, электромобильге қойылатын басты шарттардың бірі - энергия тиімділігі. Ол жағынан қарағанда ID7 жақсы жасалған.

Жаңа модельдің батареяларының сыйымдылығы жайлы ештеңе әзірге айтылған жоқ, алайда жүрісі 700 км-ге (WLTP циклы бойынша) құрайды деп отыр. 

***

Максималды қуаттау көрсеткіші 200 кВт-қа дейін тарта алады дейді.

Ұзындығы 5 метрге тақау болатын бұл модель, аэродинамика талаптарына сай жасалған. Аэродинамикалық қарсыласу коэффициенті - Cx бар болғаны 0,23 -ке тең. Ол өз кезегінде шосседегі энергия үнемдеуге мүмкіндік береді

***

Автомобильді басқару жүйесіне жаңа Операциялық жүйе мен жаңа Электрокар интерфейсі орнатылып отыр 

Салон ерекшеліктеріне тоқтала кетсек:

- 38 сантиметрлік (15 дюймдік) мультимедия дисплейі
- жүргізушінің арнайы дисплейі
- ақпараттық ойын-сауық жүйесімен біріктірілген климат-бақылау жүйесін басқару интерфейсі 
- түймелер қызметін қалауыңызша өзгерту мүмкіндігі
- амбиентті жарығы бар сенсорлық дисплей

***
 
Компания өкілдері: "Volkswagen дүние жүзіндегі өз тұтынушыларына премиум сегменттегі электрокарлар ұсынуды жалғастырады. Премиум дәрежесіндегі өнімді, таң қалдыратын жабдықталуда ұсынатын  боламыз," - дейді.

Массаж орындықтары мен автоматты күңгірттелетін төбе әйнегі. Төбе әйнегінің күңгірттігін салоннан басқара аласыз.

Climatronic жүйесімен жабдықталған алдыңғы орындықтар - қажетінше

- салқындатады

- жылытады немесе кептіреді.

Сонымен қатар массаж  да жасайды

***

Harman Kardon аудио жүйесінің қуаттылығы 700 Ватт. Багаж бөліміндегі сабвуфер, барлығы 14 дыбысшығарғыш орнатылған.

Электронды көмекшілер тізімі

- Бүйірлік және алды, артын бақылау жүйесі

- 90 км/сағ жылдамдыққа дейін шосседе жолақты ұстап тұру функциясы

- Жүріп өткен 50 метр қашықтықты автомобиль жадына сақтайды. Қажет болса сол 50 метр қашықтықты артқа қарай жүріп өтеді. Паркинг көмекшісі

- Паркинг жасау процесін жүргізуші сырттан да бақылап тұра алады  

Volkswagen ID7 фотогалереясы

суретті жанға сырғытыңыз 

Tesla Model 3 -ке бәсекелес болатын өнім деп айтылуда. Жүрісі 700 шақырым болатын болса, алымсақ мол болары анық

Электромобиль саласында төбені әйнектен жасау, стандартқа айналып келеді

Радар немесе камералар. Алдыңғы жақтың өзінде 4 -уі көрініп тұр. 4-ші деңгейлі автономды басқару жүйесіне даярлық басталып қойған секілді

Немістің тәртіпті дизайны байқалады, кішкене қарапайымдау секілді...

Орталық монитордың көрінісі қораштау секілді. Электромобиль интерфейсін жаңадан жазып шықтық деп отыр

Артқы орын кең. Тізе тірелмейтіні көрініп тұр. Жалпы артқы орындықтар төмендеу орналасқан секілді

Сырғымалы қақпағы бар орталық бокс смарфтонның сымсыз зарядтау орнын жасырып тұрған болар. Сонымен қатар стақан қойғыштарды...

Мына ракурстан, орталық бокстың астындағы қосымша сөрені көрсетіп отыр. Тамаша шешім

Жүксалғыш бөлімі немістерге тән, тиянақты, мұқият. Жақсы материалмен көмкерілген