Кенеттен тылсымға кетсем артымнан сөкпеңдер,
Жарық дүниедегі жинаған абыройымды төкпеңдер.
Қыйдым айтып, шежіремді тарқатыңдар,
Оңыммен солымды таразыға салып, саралаңдар
***
Жерлеу рәсімім, исламша емес,
Қазақша атқарыңдар
Жаназамды, көкейден қазақша сөйлеп шығарыңдар.
Жарық дүниеге бір Қазақ болып келдім,
Тылсым дүниеге нар Қазақ болып жөнелдім
***
Тылсымның жұмбақ сырын мен білмеймін,
Жамбасым қара жерге тисе де сезбеймін.
Қиялдан туған тозақ, жұмақты көрмеймін,
Ата-мекен топырағынан туып өлмеймін
***
Тірімде, жұдырықтай жүрегім Алашым деп соғады
Тылсым ғұмырда аруағым, Қазағымды қорғайды.
Жарық дүниеде салт-дәстүрге адал болайық
Қазақы наным мен сенімді қатар сақтайық
***
Тылсымда сұрақ жауап сотына бармаймын
Ибраһымның міллетіненмін деп те, тіл қатпаймын.
Көз жұмсамда, екі жүзді сұмырай мұсылман болмаймын,
Тозақ керегесіне керіп қойса да, айтқанымнан қайтпаймын
***
Ой салдым, Қазағым, ой елегінен сүзіп өткізерсің,
Әр сөзіме зер салып,өсіп келер ұрпаққа жеткізерсің.
Сөзімді ұқпасаң, Тәңірлік рәсімін ұстанбай көмерсің
Арабтың дәстүрін пір тұтып, бас шұлғып көнерсің
***
Ей Қазағым!!!
Еріккеннен жазбадым шумақты бұл өлеңді,
Зарығып айттым қомақты ой зар сөзімді
Қашанғы жүресің құжыраның тар кепесімен,
Төл төріңе орал, орныңды алып зор төбесінен
***
Шымкент 13.12.2021 ж.
Сағат 18:27
Туындыгер: Көзшырақ ТОҒАТАЙ
