Қазақты,біріктіретін не болмақ,
Қазаққа болып жүрмесін бұл да салмақ.
Тығырықтан шығар жол бар ма?
Біріктіретін идея бола ма?
***
Сұрақ көп,жауап жоқ.
Армысың оқырман!!!
Facebook желісін бағамдап қарасаң...
- бытыраңқы ой
- салқам-салқам сөз... осыдан-ақ Қазақтың ой-өрісінің, қарапайым жазу сауаттылығын, ұлттық сананың төмендігін, діни бірыңғайлығының жоқтығы, ұлттық патриотизмнің таяздығы бетке таңба басқандай ұрып тұр.
***
Әр тақырыпқа пікір жазсаң, "ат төбеліндей Қазақты бөлме" деп, сиырдың жапасындай бетіңе былш еткізеді.
***
Сонымен ойланып қаласың, осы Қазақ, ұлт ретінде әлі толық қанды қалыптаспаған деген ойдан аулақ болайын десең, әлеуметтік желіні тыңдап оқып көресің де, көңілің су сепкендей басылады, жаның шырқырап қысылады...
***
Әй Қазақ!!!
Асан-қайғының зарын айта бермей,бірігудің жырын айт.
Менде, Қазақты біріктірудің факторларын жазайын:
Бірінші-ЖЕР
Жан қымбат па?
Жер қымбат па?
Әрине жер қымбат, жерің жоқ болса, сенде бір сығансың, ұшарыңды жел біледі, қонарыңды сай біледі, не сөзің өтпейді, не өзің өтпейсің.
***
Ұлан -байтақ жерге ие болып қалу, жердің әр-бір пұшпағын, көздің жанарындай сақтау , ата-баба әруағының , жалпы Қазақтың алдындағы парызы.
***
Жерсіз, қаңбақсың, еш жерге тұрақтамайтын бейбақсың.
***
Сондықтан, ата-баба өсиет еткен жерді сақтау, керек болса, жанды да қиюға дайын болу керекпіз
*****
Екінші-ТІЛ
Әр ұлттың тілі өз елінде, өз жерінде, өз мемлекетінде өркендеп өсіп, өз үстемдігін орнатуы керек.
Тілі жоқ ұлттың,өзі жоқ Р.Гамзатов айтқандай "Менің тілім ертең өлетін болса,мен бүгін өлуге дайынмын" - деген қағиданы әр Қазақтың санасына шегедей қағып шегелеу керек
*****
Үшінші-ТАРИХ
Өткенін білмеген, болашағын болжай алмайды. Бұл қағиданы да санамызға құйып, жадымыздан шығармауымыз керек.
Патшалық Ресей, кеңестер одағы төл тарихымызды саналы түрде бұрмалады, жадымызға құлдық, тәуелділік психологияны сіңдірді.
***
Тарихшы-ғалымдардың алдындағы ең басты міндет; төл тарихымызды, қайтарып, қайтадан жазып, тарихи жадымызды жаңғырту керекпіз.
Тарих жаңғырса,сана жаңғырады
Төртінші-САЛТ-ДӘСТҮР
Тегін білмеген тексіз,салт-дәстүрін білмеген негізсіз.
Қазақтың ұлт болып ұйысуы,осы салт-дәстүрді,санаға сіңдіру.Салт-дәстүр негізінде, Жапон, Кәріс, әлемдік өркениет кеңістігіне салиқалы ұлт ретінде енді.
***
Біздің жапон, кәрістерден қай жеріміз кем?
Осы күнге дейін Қазақты,қазақ етіп сақтап келген осы салт-дәстүр, ендеше салт-дәстүрді әрі қарай дамыту керек
Бесінші- НАНЫМ-СЕНІМ
Ата-заң бойынша, әр адамға наным-сенімге еркіндік берілген
***
Алайда, біз Қазақ елінде жасағандықтан, Қазақи наным-сенімге де еркіндік берілуі керек.
***
Біздің елдегі наным-сенім, бұл - Тәңіршілдік
Әлемде наным-сенімге негізделген үш ілім бар.
Олар:
- индуизм
- иудаизм
- Тәңіризм (Тәңір ілімі)
Тәңір ілімінің, өркендеп жайылынуына мүмкіндігі мол.
Оған, Қазақ еліндегі мемлекеттік атрибуттар да толық сәйкес келеді.
Алтыншы-төл түркі АЛФАВИТІ
Өткен бір постымда бұл мәселені жазып көтергенмін.
Қайталамайын, бірақ бұл фактор тек Қазақты емес, бүкіл түркі әлемін біріктіреді
***
- жапон
- кәріс
- қытай
- араб
- армян
- грузин ұлттары өздерінің төл алфавитімен, латын алфавитін ысырмай, өркениетке алшаң басып енген, сүбелі үлестерін қосып жатыр.
***
Алфавитіміз Қазақ елінде, латын алфавитімен қоса дамыса өркениет көшіне ілесіп, өз үлесін қосады деген сенім мол.
Ешқандай кертартпалықты көріп тұрған жоқпын
***
Міне осы алты фактор Қазақтың басын біріктіруде зор рөл ойнайды.
Оқырман, кешірім сұраймын, бұл постты тезис етіп жазғаныма, ұзақ жазсаң, оқырман шаршайды.
***
Ширатып жазып,алты факторға қан жүгіртіп, Қазақтың бойына дарыту, келесі пост еншісіне қалдырайын
Көзі қарақты ойы салиқалы оқырман,сіздер қалай ойлайсыздар?
Comments powered by CComment