⚠ Өлгеннен соң не болады? | ☣ Емізгенді еме берме...

- Өлген соң не болады?

- Өліп көрмедім, айта алмайм

- О дүниеде не бар?

- Ата-бабамның әруағы бар

- Өлім періштесі келіп кәпірдің жаны деп, сені қинап алады екен...

- Оны кім айтты?

- Уағызда айтты...

- Сол уағызшының өзіне өлім періштесі анекдот айтып келе ме екен?

- Білмейм

- Мені  тұрмақ өзін білмей жатып, жұртқа ақыл айтпасыншы...

- Ол деген адамды имандылыққа баулиды ғой

- Баулыса не бопты?

- Адамдар құдайға сенеді

- Құдай маған сеніңдер депті ме?

- Иә, әрине

- Сенбесем іші кеуіп кете ме?

- Жоға астапыралла, құдай ашуланады

- О кісі де бір шикіөкпе бозбала сияқты біреу екен, ашуы мұрнының ұшында тұратын...

- Ашуланса не қылады?

- Апат келеді

- Апат айтып келе ме?

- Айтпай келед

- Апат тек кәпірге бара ма?

- Жоқ, бәріне бара береді

- Ондай болса, құдайға сенгенімнен не пайда?

- Есесіне ана дүниеде бақытты боласың

- Оны қайдан білдің?

- Уағызда айтты

- Барып көріп пе?

- Жоға, кітапта жазылған

- Кімнің кітабында

- Құдайдың кітабында...

- Құдай ақын-жазушы ма не?

- Құдай пайғамбарға айтып тұрған

- Сөйтіп, пайғамбар жазған ба?

- Жоқ, ол кісі жазбаған

- Сонда ол кітапты кім жазған?

- Сахабалар жазған

- Сахабалардың қолынан шыққан кітап па?

- Құдайдың сөзін сахабалар көшіріп жазған...

- Сахабалардың өзі айтты ма, жаздық көшіріп деп?

- Оны ғұламалар айтқан, Сахабалар көшіріп жазды деп

- Сахаба деген адам ба?

- Иә, тарихта болған асыл адамдар

- Демек, кітапты адам жазған болып тұр

- Жоқ, құдай жазған

- Құдайың да қызық осы, жазатын болса, аспанға неге жазып қоймайды, адамның қолы жетпейтін жерге

- Адамның қолы тиген соң белгілі ғой, коррупция басталып, бармақ басты, көз қысты боп кетеді, сөзді керегіне қарай бұрмалай береді...

- Бір әрпі де ауыспаған ол кітаптың

- Соны сен бақылап тұрдың ба?

- Жоқ,  ғұламалар айтқан

- Бір әрпі де өзгермегенін ғұламалар көріп тұрған ба?

- Жоқ, оларға кітап күйінде жеткен

- Ғұламалар көктен алған ба сол кітапты, жоқ әлде адамның қолынан алған ба?

- Адам көшірген кітап, адамнан адамға өтіп жатыр, самаурынды су алған дегені, Самарқанды су алды болып жатыр дағы...

- Құдайдың өзі біледі, қалай жазса да...

- Мен де өзім білем

- Осы мені кім жаратты?

- Құдай жаратты

- Мені жарататын кезде менен сұрапты ма, сені жаратайын ба? деп

- Ол сенен сұрап жатпайды, өзі қалайды, өзі істейді

- Аа солай ма? Олай болса мен де өзім білем, сенем бе, сенбейм бе...

- Құдай ұрып кетпесін

- Мені ме?

- Иә, құдайға қарсы шыққаның үшін

- Не деп қарсы шықтым?

- Кітапты аспанға жазбай ма, өзім білем?.. деп. Құдай өзі біледі, не істейтінін

- Өзім білем деп саған айтты ма?

- Құдай болғаннан соң бәрін біледі

- Бәрін білсе кітап жазып не керек? Есінде сақтай бермей ме?

- Кітапты біздер үшін жазған, яғни көктен түсірген...

- Көктен кітап түсе ме?

- Құдайдың құдыретімен түседі

- Түскенін сен көрдің бе?

- Жоқ, бірақ көктен төрт кітап түскені рас

- Оны кім көріпті?

- Көрмей сену керекпіз

- Қытайдан товар алғанда да, көрмей сеніп ала берсеңші...

- Дін товардан жоғары, ол рухани нәрсе

- Қытайдың товарын тексеріп аласың дағы, рухани жоғары нәрсені тексермей ала бересің бе?

- Біз оны қабылдау керекпіз...

- Оны кім айтты?

- Көктен түскен кітапта жазылған

- Көктен күн сәулесінің, жаңбыр, қар, бұршақ пен найзағай түскенін көрдің бе?

- Иә, әрине

- Ал кітап түскенін көрдің бе?

- Жоға...

- Жарайды, құдай кітап жазыпты делік...

- Енді, сол кітапты біздер үшін жазса, соны адамның қолы жетпейтіндей етіп жазбай ма? Бәріміз оқи алатын, алайда өзгерте алмайтындай етіп...

- Мммм бәрі оқи алатын, бірақ өзгерте алмайтын...

- Мына өмірде біз оқи алатын, алайда оны көшіріп жазуды қажет етпейтін, біз қанша тырыссақ та өзгерте алмайтын кітап бар ма?

- Қалай ойлайсың?

- Ммм, бар секілді

- Ол қандай кітап?

- Өмір кітабы

- Сенің ойыңша, өмір деген де бір кітап па?

- Иә, Өмір атты керемет, адам айтса нанғысыз, балтамен де шауып өзгерте алмайтын кітап... Отқа салсаң жанбайды, суға салсаң батпайды

- Өтіп кеткен беттерін, дүниені қопарсаң да өзгерте алмайсың...

- Әп бәрекелді, енді келдің. Ат айналып қазығын табар деген, қазығыңа енді оралдың қазағым

- Міне енді қазақ боп келесің...

*******

- Не ғой? бір сұрақ

- Өлгеннен соң жанымыз қайда барады деп ойлайсың?

- Ата-бабамыз бен апа-әжелеріміздің қасына

- Оны кім айтты?

- Солар кетті, біз де кетеміз, оны айтатын несі бар, осыған бас жетуі үшін диплом керек пе?

- ммм, жоға, сәл басты қоссаң болды екен ғой

- Сонда жәннат пен тозақ та жоқ па?

- Барып көрмедім, өтірік айта алмайм

*******

- Уағызда ана дүниеде арапша сөйлейміз, бізден арап тілінде сұрақ-жауап алады дейді

- Соған не дейсің?

- Осыны айтқан адам барып көріп пе?

- Жоға, кітаптан оқып айтады ғой...

- Қай кітаптан, өзгермейтін өмір атты кітаптан ба әлде адамның қолымен көшіріліп жазылатын кітаптан ба?

- аа болды, түсіндім

- Бізді емізіп жүр екен ғой...