☕ Нұқ пайғамбар - Ноқта ағасы

Қауымы адам атасы ақсақалы
Жол бастайтын, данасы, әпсанасы
Сол елді жөнге салған Данышпанды
Адамдар атап еді Ноқта ағасы

***

Ноқта ағаның ғарыштық ілімі бар
Одан қалды тоқыған білімі бар
Жердегі қауым жұртты алып жүрер
Бір басына жететін ғылымы бар

***

Ноқта ағасы қауым елді үшке бөлді
Үш ел болып бөлекше өмір сүрді
Жеті атадан аспастан қыз алма деп
Жетектегі еліне бек бұйырды

***

Қам, Шам, Япшы елі деп бөлінеді
Әрқайсы өз еркінше күн көреді
Бір-бірімен қыз алып, құдандасып
Жер бетіне таралып, жүре берді

***

Орналасқан жеріне қарайлайды
Тілі, тұрқы кейпі де орайлайды
Моңғолоид, европоид, негроидты
Осы аталған үш ата сабақтайды

***

Үш елі бір қазанды қайнатады
Тай үйретіп, аттарын ойнатады
Сары бала, қазақта қара қазан
Үштағанды ошағы мұра қалған