Американың сайланған президенті Дональд Трамп дүйсенбіде
Мар-а-Лагода TikTok бас директоры Шоу Чеумен кездесіп жатыр, деп хабарлады ABC News.
Tik-Tok қосымшасының Трамптың оң көзқарасына ие болуына бірінші себебі, сайлау науқанында Трамп кандидатурасын қолдап, жас сайлаушылар арасынан дауыс жинауға көмектескенінен кейін болып отыр.
Осыған орай, Трамп өз жүрегінде TikTok үшін "жылы орын" бар екенін айтқан болатын.
Трамп бастапқыда, өзінің бірінші әкімшілігінде TikTok-қа тыйым салуға тырысты. Бірақ содан кейін науқан барысында қолданбаны «сақтаймын» деп ант етіп, бағытын өзгертті.
Алайда қос палатаның қолдауымен қабылданған және Палатаның да, Сенаттың да мақұлдауын қажет ететін заңнаманы ескере отырып, оның мұны қалай жасайтыны белгісіз.
***
TikTok тыйымның күшіне енуін тоқтату үшін төтенше өтініш жібереді
ТикТок дүйсенбіде АҚШ Жоғарғы сотына төтенше жағдай туралы өтініш берді, бұл дегеніміз, TikTok АҚШ соттарының ресми тексеруін талап еткен кезде, қолданбаны пайдалануға тыйым салуды кейінге қалдыруын сұрады.
TikTok компаниясының бас директоры Шоу Чеу АҚШ Сенатының Әділет комитетінде «Үлкен технология және балаларды онлайн сексуалдық қанау дағдарысы» атты тыңдауында, 2024 жылғы 31 қаңтарда куәлік еткен болатын.
Президент Джо Байден сәуірде Конгресс қабылдаған Американдықтарды шетелдік қарсыластардың бақылауындағы қосымшалардан қорғау туралы заңға қол қойған болатын.
Аталмыш акт аясында АҚШ-та 170 миллионнан астам пайдаланушысы бар TikTok компаниясы қазіргі қытайлық ByteDance иегерлігінен басқа иегерге сатуға мәжбүрлеген болатын.
Байден және кейбір конгресс жетекшілері TikTok-қа қарсы ультиматум қойып. Өйткені ByteDance және оның Қытай үкіметімен байланысы бар деп есептейді.
Заң шығарушылар Apple мен Google компанияларына 19 қаңтарда TikTok-ты қолданбалар дүкендерінен алып тастауға дайын болуды ескерткен болатын.
Сондай-ақ олар TikTok-тың бас директорына хат жазып, оны сатып алушы іздеуге шақырды.
«Біз TikTok-ты тез арада білікті иеліктен шығаруды орындауға шақырамыз», - деп жазды олар.
TikTok бас директорымен кездесуінен басқа, Трамп сейсенбіде Мар-а-Лагода Netflix бас директоры Тед Сарандоспен кездеседі және сәрсенбіде Amazon негізін қалаушы Джефф Безоспен кездеседі деп күтілуде.
Безоспен кездесу Amazon Трамптың ұлықтау қорына 1 миллион доллар беруді жоспарлап отырғаны туралы Wall Street Journal хабарынан кейін белгілі болды.
