Ата-ана қосылғаннан бала болар
Баланың қорғаушысы қоса туар,
Құдайдың сыйы болған энергия
Қазақшасын айтқанда - әруақ шығар
***
Әруақ, желеп-жебеп жүреді екен
Қиналғанда жаныңа келеді екен,
Әруақты күшейтетін құрылғы бар
Аты оның, Ғайып Ерен Қырық Шілтен
***
Ата өлсе онан қалған энергия
Ұрпаққа мұра болып беріледі,
Атамның әруағы деген сөзі
Балаға қалдыратын күш мөлшері
***
Атаның жиған-терген даналығы
Балаға 40 жылға азық болды,
Атаның түпсаналық энергоны
Балаға қуат беріп күші толды
***
Энергондар атадан қалады екен
Ұрпақтың күш қуаты толады екен,
Атасының басына барған кезде
Энергоның бір жасап қалады екен...
***
Ел үшін жан берісіп, жан алыссаң
Абылайлап әруағын сен шақырсаң,
Күш қуатың толысып арқаланып
Шығасың көзің от боп бейне қыран
***
Қабанбай тірісінде айтып кетті,
Әруағым қолдайды деп әмбе жұртты
Дініне, қанына да қарамаймын,
Қабанбайлап шақырса ұлы рұқты
***
Әруақ десе құдай қапа боп қалады,
Аузына тозақтағы от салады
Жаратушы қызғаншақ деген сөзді,
Қатынын аңдығандар көп айтады
***
Кие бар, ие бар, әруақ-құдай бар
***
Құдай ұрса оңдырар деген екен
Құдай берсе сұраусыз береді екен...
Қарап тұрып суға дәрет сындырғанды
Әруақ ұрып бір жақты етеді екен
***
Табиғаттың заңына қарсы шықсаң
Бауырдың сыйластығын және бұзсаң...
Өзің тұрмақ ұрпағың зиян тартып
Боласың көгермегір әруақ атқан
***
Білім күшің толысса, әруағың қуат алады
Надандыққа болыссаң, әруақ тастап қашады,
Әруағыңнан айрылсаң, сен де бір ағаш қураған
Әруағыңды бағала, әруақ ұрған оңбаған
