Құдай ұрған оңалар, әруақ ұрған оңалмас...
Әруақты сыйлаймыз дейсің бе?
Уағызға тойған сөзіңді айтушы болма
Әруақ қырына алады, беліңді үздіреді
Әруақ деген өлген адамның жаны деген қылмысың үшін, күліңді көкке ұшырады
***
Әруақ - әлемдік жаратылыс ұшқынын жағушы күш
Әрі-беріден кейін бәріміз сол әруақтан күш аламыз, қуаттанамыз.
Ғаламдағы ағып жүрген шексіз қуаттың ішіндегі, өз ата-бабамыздың әруағы ғана бізге қуат беретін күш болады.
Өз бабаңның әруағын ұмытып, оған сыйынбай, онан медет тілемей, әруақ айтып арқаланбай көсегем көгереді деп ойлама.
Қатының жауыңның астында қалады, қызыңды өңгеріп әкетеді.
Ұлыңды кісендеп әкетеді.
Әруақ сенің "Әруақты сыйлаймын" деген шикі, жылымыққ сөзіңді көтермейді.
***
Өзге адамның ата-бабасының әруағын сыйлайсың. Ол рас сөз
Алайда өз ата-бабаңның әруағына сыйынбасаң, одан медет тілемесең.
Жөн-жоба сілтеуін тілемесең, ата-бабаңның атын айтып әруақ шақырмасаң?..
Онда неменеге өмірге келдің?
Өліп-ақ қалсаң етті.
Ата-бабасының әруағына сыйынбаған адам, қағынан жеріген құлан
***
Көк Тәңірі көкті билегенде, жер дүниенің жаратылыс ұшқынын жаққан әруақ болатын. Әруақтың сені салған өсіп-өну жолын - Құдайлық жол деп атайтын.
***
Құдайлық жолда жаза бассаң, айналып жолыңды табасың.
Әруақтың жолына көлденең тұрсаң, денең бассыз қалады
***
Арапша сөйлейтін құдайлар, ағылшынша сөйлейтін, шүршітше шүлдірлейтін құдайлар... бірі де жәрдем бере алмайды.
***
Көлгірсіме, жылымықтанба. Өткір айт, тіліп айт.
Ұстаған жеріңнен сын. Бір сөзбен өл
Алайда, ата-бабамның әруағын сыйлаймын деп мәймөңкіленбе.
Сен, ата-бабаңның әруағына сыйынасың, одан медет тілейсің. Оған жалбарасың.
Аяғың таятын жерде, бекітеді. Таймай өтесің.
Жібің үзілетін жерде жалғайды, аман қаласың.
Басыңа бұлт үйрілгенде - бұлтты сейілтеді.
Қорқаудың ортасында қалғанда, арқаландырып, аман алып шығады.
Жетпегеніңді жеткізеді, жіңішкеңді жуандатады.
Үзілгенді жалғайды. Сүрінгенді демейді
Жылағанды жұбатады
Осының барлығы әруақ-құдайдың қолында
Әруақтың құдыретін басқаға телісең, әруақ ренжиді
Сүйгеніңді көмдіреді.
Әруаққа шек келтірсең, сүріндіреді, бетіңмен жер сүздіреді
Әруақты ойламасаң, ол сені ойламайды
Әруақты ұмытсаң, ол да сені ұмытады.
Әруақты дәрменсіз десең, өзіңді дәрменсіз етеді
Әруақты әлсіз десең, өзіңді әлсіз етеді
Қатыныңа шаба алмай, дұшпаныңа күлкі етеді
***
Әруақты сыйлаймын деп мыжыма.
Әруаққа сыйынады.
Әруақтан медет тілейді.
Қиын шаруаға тап болғанда, ата-бабасының әруағына сыйынып, еңсеріп өтеді
***
Қазақтың баласы, әруақты өлді деме, ол тірі, сен оны қайдан білесің?
Аспаннан жаңбыр жаудырған, жерден көк шығарған,
Көк Тәңірінен бата алған
Әруақ емей кім?
***
Ананың жатырына ұрық салдырған, қаныңды билеген, гормондарыңды ойнатқан...
Әруақ емей кім?
Төрт көзіңді түгел еткен, ұлыңды ержеткізіп, қызыңды бойжеткізген, әруақ емегенде кім?
Ендеше, әруағыңа сыйын. Медет тіле.
Тіліңнен шатастырмасын деп, аяғың жаза баспасын деп.
Атың сүрінбесін деп. Ұлың ойлы, қызың бойлы болсын деп, әруақтан тіле
***
Ағайынның ауызы бір болсын деп, еліміз көгерсін, жеріміз гүлденсін деп әруақтан тіле!
Әруақ-Құдай разы болсын
