1984 жылы 30 тамызда Семей қаласында дүниеге келген. Семей мемлекеттік педагогикалық институтын, Қазақ инновациялық гуманитарлық-заң университетін, Қазақ спорт және туризм академиясын бітірген.
Еңбек жолын 2005 жылы Семей мемлекеттік педагогикалық институты Дене шынықтыру және спорт теориясы мен әдістемесі кафедрасының ассистенті, жаттықтырушы-оқытушысы болып бастаған.
2007-2008 жж. – Ұлттық спорт түрлері бойынша балалар-жасөспірімдер спорт мектебінің жаттықтырушы-оқытушысы.
2009-2013 жж. – Семей қаласының мемлекеттік медицина университетінің дене тәрбиесі кафедрасының оқытушысы.
2009-2018 жж. – «Шығыс Қазақстан облыстық бұқаралық спорттағы жоғары спорт шеберлігі мектебі» КММ жаттықтырушы-оқытушы қызметін қоса атқарды.
2013-2017 жж. – Семей қаласының мемлекеттік медицина университетінің дене тәрбиесі кафедрасының меңгерушісі.
2018-2020 жж. – «Қызылжар Арландары» спорт клубының директоры.
2020-2021 жж. – Qazaq kuresi қауымдастығының басқарушы директоры.
2021-2023 жж. – Дене шынықтыру және бұқаралық спорт академиясының ректоры.
2023-2024 жж. – ҚР Туризм және спорт министрлігі Спорт және дене шынықтыру істері комитетінің төрағасы.
2024 жылғы 2 қыркүйекте ҚР Президентінің Жарлығымен Қазақстан Республикасының Туризм және спорт министрі қызметіне тағайындалды.
