Бейсенбі күні

Бейсенбіның таңында, төргі бөлмені ертерек жиыстыр. Қонақ келетіндей сәнін кіргіз. Көңіл-күйіңді көтер

Шексіз-шетсіз ғаламда жалғыз емес екеніңді ойлан. Сенің қолдаушың бар, қорғаушың бар. Сүйенерің бар, сыйынарың бар.

Қиналғанда медет тілейтінің бар

Оның аты Әруақ-Құдайы!

Бабаңнан келе жатқан сара, даңғыл жол

Сен жалғыз емессің, сенің отбасың, сенің балаларың, бауырларың... барлығы да жалғыз емес

Сендерді қорғап-қолдайтын ата-баба әруағы бар

Қиналсаң, қобалжысаң, беймаза күйге енсең, ата-бабамңның әруағына сыйын, медет тіле, жәрдем сұра

***

Бейсенбі күні әруақтар келеді,

- Қиналған бар ма? - жәрдем берейік.

- Медет сұраған бар ма? Жанына жалау болайық

- Мұқтаждар бар ма? - жол сілтейік

- Бізді еске алғандарды, есіркейік

- Бізге арнап иіс шығарса, жеті шелпек таратса, батасын көкейден құрап оқыса, жаттап оқыса, мақтап оқыса...сүйеу болайық, айын оңынан, жұлдызын соңынан тудырайық, - деп дайын отыр

****

Әруақтың қандай екенін сен қайда білесің?

Әруақ разы болмай, Көк Тәңірі сірә разы болмас, әруақ разы болмай, Табиғат ана - Ұмай ана жібімес, ақ төсі иімес, маңдайыңнан сипамас

От иесі, су иесі, жер иесі батасын бермес

***

Тірі кезіңде алдыңнан әруақ жарылқайды, дүниеден озғанда алдыңнан Көк Тәңірі жарылқайды, үйіріңе қосады, бабаңмен қауыштырады

уа, әруақ!!

Құдайыңды ұмытпа, құдайыңның аты - әруақ-құдай!

***

Ойыңа керек ойды әруақ салады, ел үшін жүрген аяғыңды әруақ бастырады, әруақ сенің көзіңмен көреді, тіліңмен сөйлейді. Әруағыңа сыйынсаң, бақыт табасың, шабыт табасың, қуаттанасың

***

Көк Тәңірінің қамшысы деген атыңды ұмытпа, бегзадалы бектерден болған затыңды ұмытпа

Осы бейсенбіде, әруақ шақыр, от басында отырып, ұлыңды ұлағатты ет, қызыңды қанағатты ет

Хатундар әруағына сыйынсын. Ішіндегі ойларын, әруаққа тапсырсын...

***

Жеті атаңнан қосылатын ағайынды ойла, жеті атадан жайлаған ата-қоныс мекенді ойла

***

Әруағыңа сыйынғанда, бағың ашылады

Ата-бабаңның әруағы шат болсын!!!

Әруақ-құдай қолдасын!