Жетінші желтоқсанда Алматы қаласының мектептерінің бірінде ата-аналар наразылық білдірді.
Наразылыққа себеп болған жағдай - 10 жасар мектеп оқушысын топтасқан балалар жабылып ұрған.
Ата-аналардың айтуынша қазіргі уақытта мектептер бала тәрбиесіне мән бермей кетті деседі. Мектеп оқушылары әлеуметтік топтарға бөлініп, біріне бірі алалаушылықпен қарайды және күштілері әлсіздерге әлімжеттілікті жиі жасайды деп мәлімдеп отыр.
Әлсіз баланың таяқ жегенін топтасып тамашалау кең етек алып бара жатыр. Мұндайды өздеріне көңіл көтерудің бір амалы деп танитынға ұқсайды.
Одан өзге оқушылардың жаман әдеттерге бой ұруы, шылым тарту, насыбай ату, электронды сигареттерді тұтыну сияқты жағдайлар жиі кездесуде.
Ең сорақысы – мектеп балалары қалталарына пышақ салып жүретін болған
Ата-аналар мектептегі қазіргі оқу-тәрбие жүйесінің салбырап кеткеніне наразы. Көптеген заң баптары мектеп ұжымынан гөрі, ата-аналарға жауапкершілік артады.
Ата-аналардың көпшілігі таңнан қара кешке дейін жұмысбасты болғандықтан және педагогикалық білімдері жоқтығынан өз балаларына көңіл бөле алмай отырғаны шындық. Сонымен қатар барлық ата-аналардың бала тәрбиелеуде біліктілігі жете бермейтінін айта кету керек.
Олар бала тәрбиесінде ата-анаға қарағанда мектептегі педагогикалық білімі бар мамандарды үлесі орасан болатынын айтуда.
Педагогикалық білімі бар маманның бала тәрбиесіне келгенде жемісті қызмет атқаратынын жоққа шығаруға болмайды. Қазіргі уақытта осы баланс бұзылып, мектеп оқушыларының арасында жөнсіздік жиі орын алуда, дейді ашынған ата-аналар.
Comments powered by CComment