🌺 Рушылдық пен Рулық Намыс - диаметралды қарама-қайшы ұғымдар

Рушылдық пен Рулық Намыс - диаметралды қарама-қайшы ұғымдар

Рушылдық дегеніміз не?

- Рушылдық адамның жемқорлығын, елге жасаған қиянатын ақтауға тырысу әрекеті

- Әділетті белден басып, жеке басының немесе ат төбеліндей шағын руластарымен бірлесе жасаған қылмыстарын жамап-жасқау үшін ойлап шығарылатын ақталу жолы.

- Рушылдықтың салдары қандай?

- Өз руының абырой-беделін қалың қазақ бұқарасының алдында төгу

- Жеке басына халықтың ыза-наласы мен жеті ұрпағына дейін кететін қарғыс алу

Рушылдыққа ұрынған қазақ, өзіне де, руына, еліне, әулетіне, жамағайынына, нағашысы мен қайын жұртына да кесірін тигізеді.

Рушылдықтың ел қамын ойлаумен еш қатысы жоқ

Рулық намыс дегеніміз не?

- Әулет пен рудың жетімі мен жесірін түгендеу

- у ішсең руыңмен іш дегендей, ағайын берік болады, іргесі сөгілмейді

- ру мен әулет ішінде ажырасу деген мүлдем болмайды. Жесірлерін әмеңгері алып, отбасын толық сақтап отырады.

- рудың азаматына қиянат жасалатын болса, ердің кегін ел боп қуалайды.

- рудың биі сайланып (!) ру ішіндегі көкейкесті, түйткілді мәселелерді ортаға салып, мәслихат жасап, шешімін тауып отырады.

Жеті атасын білген ер, жеті жұрттың қамын жер!

Рушылдық пен рулық намыс деген екі ұғым. Біріншісі өзін елдің көзінше дискредитация жасап, жемқорлық секілді сатқындық тірлікке апаратын болса, екіншісі, руыма сөз тигізбейін, ата-бабамның әруағы разы болсын дейтін құбылыс.

***

Наймандардың топ құрып, мәжіліске өткендері құтты болсын. Өз руластарымен бір топта, бір әлеуметтік желіде отырмасын, бірігіп сайлауға түспесін деген заң жоқ

***

Қазақтан руды сылып тастаймын деу, қазақтың өзін жоқ қылам деген адамның сөзі болмақ.

***

Өлсең де, тірілсең де сол, қазақ русыз қазақ болмақ емес. Алайда өз руы үшін әділетсіздік, заңсыздық жасаймын деген адам, өз руына кері әсер беріп, өз тумаластарын жерге қарататын адам деуге болады.

***

Бізден көріп ағылшын, жебірей, еуропа секілді аймақтар өз руларын түгендеуге атсалысып жатқанда, қазақы рулық құрылымды жоққа шығару дегеніміз, қазақылықты жоққа шығарумен тең.

***

Қай қазақ болсын, өз руына пайда келтірем деп, елден бөлінген кезі болған емес. Өйткені, бөлінгенді бөрі жейтінін жақсы түсінген. Алайда, өз тегін ұмытушылық, рушылдықтан жаман дертке алып соғады.

Руды ұмыту,тегіңді ұмытумен тең деген сөз.

Рулық құрылымның арқасында елдігімізді сақтап келгенбіз, әрі қарай да сақтай береміз!

Рулық құрылым - Дала демократиясының негізі, ал Дала Демократиясы, адамзатты басқарудың ең тиімді жолы.

Коммунизм, фашизм, феодализм, капитализм, ислам, христиандық, иудаизм... ешқайсысы да Адамзатты Дала Демкоратиясы секілді бақыт пен үйлесімге жеткізе алмайды!