Израиль үкіметі Газа секторындағы атысты тоқтату және Хамаспен
кепілге алынғандарды босату туралы жаңа келісімді мақұлдап, оның жексенбі күні күшіне енуіне жол ашты.
Бұл шешім түнге дейін жалғасқан бірнеше сағаттық талқылаулардан кейін қабылданды. Екі оңшыл министр келісімге қарсы дауыс берді.
Премьер-министр Биньямин Нетаньяху кеңсесі хабарлағандай, қауіпсіздік кабинеті бұған дейін келісімді ратификациялауды ұсынды, ол «соғыс мақсаттарына қол жеткізуді қолдайды» деп мәлімдеді.
Мұны премьер-министрдің кеңсесі мен Хамас екеуі де келісімнің егжей-тегжейлерін аяқтағанын мәлімдегеннен кейін бірнеше күн өткен соң, Катар, АҚШ және Мысыр тараптары осы келісімдегі делдалдық статусының аясында жариялады.
Хамас тұтқынында отырған баласын іздеген ана - Эйнав Зангаукер
***
Келісімге сәйкес, 15 айға созылған қақтығыстардан кейін, Газада әлі де ХАМАС ұстаған 33 израильдік кепілдікте ұсталып отырған болатын. Осылардың орнына, бірінші кезеңде алты апта ішінде Израиль түрмелеріндегі жүздеген палестиналық тұтқындар ауыстырылатын болады.
***
Сондай-ақ, Израиль күштері Газадағы халық тығыз орналасқан аймақтардан шығарылады, босқынға ұшыраған палестиналықтардың үйлеріне оралуына рұқсат етіледі және күн сайын аумаққа жүздеген жүк көліктері жіберіледі.
Екінші кезең бойынша келіссөздер – қалған кепілге алынғандарды босату, Израиль әскерін толық шығару және «тұрақты тыныштықты қалпына келтіру» - 16-шы күні басталады.
Үшінші және соңғы кезең Газаны қалпына келтіруді қамтиды - бұл жылдарға созылуы мүмкін. Сонымен қатар қайтыс болғандардың мәйіттерін қайтару да осы келісім ішінде қарастырылған.
Катар тарапы, өз делдалдығы аясында, бірінші кезеңде босатылатын кепілге алынғандар арасында «азамат әйелдер, әйел сарбаздар, балалар, қарттар, науқас және жараланған бейбіт тұрғындар» болатынын айтты.
Израильдің мәлімдеуінше, атысты тоқтату келісімінің бірінші күні кепілге алынған үш адам босатылады деп күтілуде, ал келесі алты апта ішінде белгілі бір уақыт аралығында көбірек шағын топтар босатылады.
Даудың басы...
Хамас содырларының Израильге басып кірген сәті
2023 жылдың 7 қазанында Хамас лаңкестік ұйымының жасаған шабуылының нәтижесінде 1200-ге жуық израильдік азамат қаза тауып, 251 адам кепілге алынған болатын. Мұндай жойқын шабуыл бұрын-соңды болмаған-тын.
Осы оқиғаға жауап ретінде Израиль үкіметі Хамасты жою бойынша операцияларын бастаған еді.
Хамас басқаратын аумақтың денсаулық сақтау министрлігінің мәліметі бойынша, содан бері Газада 46 870-тен астам адам қаза тапты. Сондай-ақ 2,3 миллион халықтың көпшілігі босқынға айналды, жаппай қираулар орын алды және мұқтаждарға көмек алу үшін күрес салдарынан азық-түлік, отын, дәрі-дәрмек және баспана тапшылығы қатты сезілді.
Израиль тарапының мәліметінше, кепілге алынғандардың 94-і әлі Хамастың қолында, олардың 34-і өлді деп болжануда. Сонымен қатар, соғысқа дейін ұрланған төрт израильдік бар, олардың екеуі қайтыс болды.
