Honqqi E202 Шанхай 2023 автокөрмесінде көрсетілді

Қытайлық көлік өнеркәсібі біржолата электромобильдерге ауыса бастады деп айтуға болатын да шығар

Жақын 5-10 жылдың ішінде іштен жану қозғалтқышымен жүретін модельдерді табу қиындай бермек

Іштен жану қозғалтқыштарының экологиялық әсері өз алдына, олардың заман талабынан қалып бара жатқаны тағы бар

Электромобильдердің басты қиындығы - батареяның сыйымдылығын арттыру, қатты суықтағы зарядты тез жоғалтуы және электромобиль салмағының ауырлығы

Әлемдік көлік индустриясы мұндай қиындықтарға қарамастан, алға жылжуға мүдделі екендігін көрсетіп отыр

"Қытайлық Rolls-Royce" атағын алған, Қытай компартиясының басшыларына арнап лимузиндер мен седандар жасайтын Honqqi бренді, ендігі кезекте электр жетегіне баса назар аударуда

Honqqi E202 электромобилінің ерекшеліктері:интеллектуалды толық жетек, пневматикалық аспа, 800 вольттық кернеу архитектурасы. Жылдам зарядтау мүмкіндігі: 5 минутта 300 км. қашықтыққа жететін заряд береді

Сонымен қатар сымсыз зарядтау жүйесі де қолжетімді. Сымсыз зарядтау қуаты: 22 кВт/сағ

***

Qilin мен CATL компаниялары өндірген ауыстырмалы (!)  батареямен жабдықталады

Егер компанияның ойындағыдай, 5 минутта 300 шақырымға жететін заряд бере алуы үшін, шамамен 600 кВт/сағ қуаты бар зарядтау станциясы қажет болатын секілді

Қазіргі электромобильдердің зарядты қабылдау қарқыны шамамен 150-250 кВт/сағ шамасында екенін ескерте кетейін

Honqqi E202 моделі 2024 жылдың ақпан айында жарыққа шығады деп жоспарланып отыр

Ал 2025 жылға қарай қытайлық бренд жылына 1 млн автомобиль сатуды жоспарлап отырса, соның 500 мыңы электрмобиль болады деп күтілуде

2030 жылға қарай әлемдік нарыққа ұсынылатын бренд өнімдерін 1000 -нан астам қызмет көрсету станциялары қолдайтын болса, әлем бойынша 600 мыңнан астам зарядтау станцияларын орнату көзделіп отыр екен

Honqqi E202 концепт-кары және сериялық нұсқасы

суретті жанға сырғытыңыз 

Honqqi E202 дизайнының басты ерекшеліктері: аэродинамика мен минималдылық

Аэродинамикалық дискілер, сұлбасына қарап ортаөлшемді кроссовер екені көрінеді

Алдыңғы футуристік көрінісін қытайлық электромобильдердің ортақ тенденциясына сай деуге болады

Артқы көрінісі скетчтегінден қарапайымдау болғанымен, жалпы бейнесін сақтай алған. Диффузорлар тіпті кішіріейіп кетіпті

Салондағы ерекшеліктер де тамаша деуге болады. Дисплейлер әлеміне қош келдіңіз. Алдыңғы айнаның астында проекциялық дисплей орнатылған